Juda ham bebosh yigit boʼlgan Jasurni, onasi “quyilishi va aqli kirishi” uchun uylantirmoqchi boʼlib, uchrashuvga oʼzi boshlab boradi. Qaysar qiz Jasminni ham, buvisi tezroq uzatish uchun, uchrashuvga oʼzi olib chiqadi. Jasur uchrashuvga kelib qarasa-ki, onasi “kechqurun 8 dan keyin koʼchaga chiqmaydi, yaxshi qiz” deb, taʼriflagani qaysar va bebosh Jasmin ekan! Jasmin ham, buvisi “qizlarga qaramaydi, aqlli, bosiq yigit” deb, taʼriflagani Jasurni koʼrib, asabiylashib ketadi. Ikkovi bir-birini yaxshi tanigani uchun, shu yerning oʼzida urishib ketib, bir-birlariga muzqaymoq otishadi. Аmmo, Jasminning otgan muzqaymogʼi Jasurning onasiga, Jasurniki esa, Jasminning buvisiga tegadi. Bu “qoyilmaqom” uchrashuvdan soʼng, kutilmaganda Jasurning onasi “senga shunaqa qiz kerak. Faqat shu qiz seni odam qiladi!” deb, baribir Jasurni Jasminga uylantirishga qaror qiladi. Jasminning buvisi ham, Jasminni Jasurga uzatish fikridan voz kechmaydi. Jasur noiloj oʼzini Jasminni yoqtirib qolgandek tutib, unga uzuk sovgʼa qilib, barmogʼiga taqayotgan vaqtida, qaytarib yechib oladi. Jasmin ham, undan “qarz” boʼlib qolishni istamay, uni “Zags”ga kelmay, sharmanda qiladi. Ikkovining munosabatlari qanday yakun topadi? Jasur shuncha muammoga qaramay Jasminga uylanadimi? Аllaqachon oʼziga boshqa yigit topib olgan Jasmin-chi? Ular hali oʼzlarini qanday syupriz kutib turganini bilmayotgan edilar.
Azamat Axrorov filmi
RizaNova ilovasini yuklab oling @ rizanova.uz/apps
Obuna bo'ling @ / rizanovauz​​​
RizaNova @ Instagram / rizanovauz​​​